جب انسان کی سوچ صرف اپنے ہی دائرے میں قید ہو جاتی ہے تو وہ دوسروں کے احساسات، حالات اور ضرورتوں کو سمجھنے کی صلاحیت کھو دیتا ہے۔ ایسا شخص بظاہر دوسروں کے بارے میں سوچتا ہوا دکھائی دیتا ہے، مگر حقیقت میں وہ ہر بات کو اپنی ذات، اپنے فائدے اور اپنی فکر کے زاویے سے دیکھ رہا ہوتا ہے۔

ایسی حالت میں انسان کا ذہن مسلسل اپنی ہی پریشانیوں، خواہشات اور مفادات کے گرد گھومتا رہتا ہے، جس سے اس کی بصیرت محدود ہو جاتی ہے۔ پھر وہ نہ تو دوسروں کی خوشی کو صحیح طور پر سمجھ پاتا ہے اور نہ ہی ان کے دکھ کو محسوس کر پاتا ہے۔

یہ کیفیت رفتہ رفتہ انسان کو تنہائی، بداعتمادی اور اندرونی بے سکونی کی طرف لے جاتی ہے، کیونکہ جو شخص صرف اپنی ہی فکر میں رہتا ہے وہ دوسروں سے حقیقی تعلق قائم نہیں کر پاتا۔

دوسروں کی فکر اپنی فکر میں کرتا ہے
وہ  ہمیشہ اپنی  فکر  میں  ہی  رہتا  ہے